Ես արդեն չորս տարի է սովորում եմ «Մխիթար Սեբաստացի»
կրթահամլիրում:Սկզբում շատ դժվար էր, ինձ օտար էր այս աշխարհը:Այստեղ ամեն ինչ ուրիշ էր, այլ էր դասավանդող-սովորող հարաբերությունները,սովորող- տնօրեն հարաբերությունները,նորություն էր առավոտյան ընդհանուր պարապմունքը և ՏՀՏ-ի կիրառումը դպրոցում: Ժամանակի ընթացքում հարմարվեցի և ինքս էլ դարձա այդ ամենը սովորեցնող,փոխանցող մեր կրտսեր սերնդին:
2013-2014 ուստարվա իմ ձեռքբերումն է աշխատանքս Բ4 դպրոց-պարտեզում,որպես 5 տարեկանների երկարացված օրվա դաստիարակ:
Մինչ այդ էլ փորձառության եմ գնացել կրթահամալիրի պարտեզներում, լավ լեզու եմ գտել երեխաների հետ և համատեղ լավ աշխատանքներ ենք ունեցել,բայց ինձ շատ ոգևորեց այս աշխատանքը, ինքնավստահ դարձրեց,մասնագիտանալու հնարավորություն տվեց:
Երեխաներն ինձ շատ կարճ ժամանակում ընդունեցին,ինչն ինձ զարմացրեց:Այս խմբի հետ հետաքրքիր է աշխատելը:Նրանք հարցեր են տալիս,ինչը նշանակում է,որ ուշադիր են մեր կատարած աշխատանքի ժամանակ:
Մասնակցել եմ.
Թթվի ծես-ին
Հարիսայի ծես– ին
Ամանորին՝ Բրազիլական Ամանոր,Բրազիլական ոճով դասարան,Բրազիլական դրոշներ
Ճպուռն ու մրջյունը-Խնկոյանական օրեր